提起第三者，女生肯定又会联想起小三：男人偷食衰贪心、花心、一脚踏两船、定力唔够之类，所以俾其他女仔乘虚而入。其实，女生也可以犯天下间的男人都会犯的错——偷食，男人都会做爱情中的第三者。咁究竟，成为第三者的男人系咩玩法、咩心态，又会点处理？ 笔者访问了身边有此经历的兄弟，同大家分享心底话。
第三者男人Jason：争赢人哋女友好有成功感
有种男人，明知对方有男朋友，都要中个头埋去，原因好简单：好胜！试过做人第三者的男人Jason回忆往事：比起追到一个单身女仔，争赢一个occupied的女生其实仲有满足感。
Jason：一日未结婚，一日都未Game Over
朋友知道Jason暗挞人哋女朋友，唔想佢做人第三者，试过劝说：喂，佢同个男朋友好多年啦㖞，你仲搞人哋？Jason认为，爱情无分先后：一日未结婚都未game over，况且大把人结咗婚都离婚啦。
肯做第三者，可能未系够好爱佢
所谓男人唔坏，女人唔爱，偷食的刺激感，男女一样享受。小编问Jason，点解当初可以接受女方一脚踏两船，唔要求对方分手，他续说：可能未系够好爱佢，所以冇强烈的占有欲。原来，肯做第三者，唔一定你爱对方爱到死，只系未系好爱佢。
第三者男人Kenny：做第三者只因误踩地雷
Kenny前几年一个人去旅行，遇着一个当地女仔搭讪。见大家都好倾，于是决定相约一齐去玩。Kenny一向好好仔，就算觉得同对方有机会发展，都反复问咗几次对方系咪单身，对方给肯定的答案，先决定一齐。
Kenny：以为Long D 恋，点知做咗第三者
旅行途中，Kenny与女方饮大咗两杯，发生埋关系。如是者Long D的爱情生活开始咗一个月左右。Kenny某日在Facebook 无意中发现，原来所谓的女朋友早几年已经结婚，而她透露给Kenny的名字，原来系佢老公的姓氏…
男人做第三者之苦
伤心、被欺骗之类的感觉，统统都出现在Z的心中，当发现自己成为了第三者，Kenny即时斩缆。不过，事情发生超过一年，他仍然唔敢拍拖。对于被成为第三者，Kenny都仲系耿耿于怀….
Kelvin 发现女友偷食：绝对唔容许！
不同于女生，大多数男人自尊心都好重，对有第三者的存在，男人系唔会视而不见。Kelvin发现前女友偷食，绝对唔容许自己的女友被另一个男人瓜分。他立即要求当时的女友做决定。结果前女友拖拖拉拉，唯有他做决定，提出分手。Kelvin：无边个男人接受到女友有第二个！
