男仔生成日话拣老婆同拣女友唔同，因为老婆系一辈子女朋友只系一阵子。但系究竟点先系好老婆嘅材料，又有边种女仔男仔都觉得娶唔过？根据网络调查，以下10种女生都被男生严选为拍拖对象，但绝非老婆材料！
第十位：超随便
会随便跟男生上床嘅女仔绝对不会是做老婆材料！有时甚至连女朋友材料都不是，一夜情过后大家开心过就唔会再有下文。所以女孩子们记住要洁身自爱唷！
第九位：经常发脾气
发脾气并唔系解决问题嘅方法，女孩子久唔久发一两次脾气，男朋友都话因为锡你所以氹返你。但如果经常发脾气，又或者每次都因为好小事发脾气嘅话，实在叫人身心疲累。啲人成日都话娶妻求淑妇，试问你成日发脾气又点做到淑妇？
第八位：豪门千金
如果背景太过悬殊，要磨合系一件十分困难嘅事。根本就系两个唔同世界嘅人，由生活习惯，价值观，以至目标都南辕北辙，又点可以过人世。或者竹门对竹门，木门对木门由始至终都系啱。
第七位：只顾自己
太过自我中心嘅女生都俾选为不想娶。要当一个好老婆，最基本要关心爱护老公及其家人，试问男生又点会敢娶一个只顾自己嘅女仔过门。
第六位：极痴身
好多女孩子都喜欢每分每秒都痴住男朋友，但原来喺男仔嘅角度会觉得冇晒私人空间。好多时就连想自己静静地打机，或者同一班朋友饮嘢踢波都要比女朋友过问或者反对，会有一种无形嘅压力。
第五位：控制欲强
呢类型嘅女生通常都系缺乏安全感，所以变成控制欲极强。郁啲就呷醋，又经常疑神疑鬼，男生会觉得娶过门系自掘坟墓。如果拍拖时已经控制欲极强，结婚后就会变成另一个妈妈，乜都要管！
第四位：欠债
同你结婚咪要帮你还债？自己嘅苏州屎都系自己搞掂比较好，加上欠债只会反映出你理财有问题，试问结婚后屋企条数又点放心俾你睇？
第三位：公主病
一个好老婆（照常理）系应该打点好家头细务，公主病女生个性傲娇，乜都唔肯做之余，仲要钟意点人做嘢。已经无温柔体贴，仲要全世界围住你转，唔好话做老婆呀，随时做女朋友都未必做得耐。
第二位：陋习一大堆
并唔系话唔可以食烟饮酒，但去到有得选择时，男生都偏向挑选乖乖女做老婆。又烟又酒又蒲嘅女仔一齐玩或者好开心，但讲到做老婆原来好多男仔嘅思想都依然好传统。
第一位：拜金
拜金女被男生严选为不想娶女生第一位！结婚之后嘅生活都系要两个人共同承担，有福同享，有难同当，一齐为未来努力。但系拜金女开口埋口都系钱，又过份追求物质生活实在是令男生却步。先唔讲有无能力养你（你下下都要名牌做礼物），太过拜金势利嘅女生绝对唔系GF-able，你究竟系钟意我啲钱定钟意我个人？
女神们部分内容来源于互联网，登载此文出于传递更多信息之目的，并不意味着赞同其观点或证实其描述。文章内容仅供参考，如有侵犯版权请来信告知E-mail:1074976040@qq.com,我们将立即处理。
